لسنا الوحيدين ولكننا الأسوأ

صرلي فترة منيحة بستخدم الإنترنت ومافي بطاقة إلا واستعملتها والحمدلله كله أسوأ من بعضه ..

[ندعوك للتسجيل في المنتدى أو التعريف بنفسك لمعاينة هذه الصورة]
لكن في الفترة الأخيرة جربت بطاقة موفرة للوقت بشكل..

أكيد عندكم شوق لتعرفوا هالبطاقة.. وأنا لازم ما كون أناني وأستخدمها لحالي بس..

البطاقة هي ez1
نعم الإزي وان ..

ليش استغربتوا وعلت وجوهكم الدهشة ...أستنوا علي لإشرحلكم..

ياأعزائي..... أنالما أستخدمت ez1 صرت صرت أعرف أهمية الوقت الضايع ونحنا قاعدين على الإنترنت ونتظر فتح الصفحات..
أما مع ez1 فصرت أعطي فتح للصفحة البدي ياها وبروح مثلاً أتغدى.. برجع بعد نص ساعة ( لأنو بكون شربت كمان الشاي ) فبشوف الصفحة عين الله عليها..

أو مثلاً بعطيه فتح وبروح بنام القيلولة وبعد مابفيق بلاقي الصفحة جاهزة عم تستناني...

ويعني إذا كان في ضغط شوي وحظك كويس وعلق معك الخط يوم الجمعة فما تاكل هم عطي فتح للصفحة وروح نام قرير العين وأنت مرتاح ومطمن وبإذن الله لما تفيق الصبح رح تلاقي الصفحة قاعدة ومستنيك إلا لا قدر الله إذا خلص رصيد البطاقة فهذا بكون سوء تدبير منك لأنك ماعامل حسابك..

وفي النهاية اسألوا مجرب ولاتسألوا حكيم فكيف إذا كان المجرب حكيم..
[ندعوك للتسجيل في المنتدى أو التعريف بنفسك لمعاينة هذه الصورة]
ولذلك أعود وأقول لسنا الوحيدون ولكننا الأسوأ...احذروا التقليد..